(( بكل اختصار شوفو حال البنات لمن يحبون ))
1- 24 ساعه وهي سرحانه ومو دريانه بعمرها ولو تنادي عليها قروون ما تسمع ( لا حياة لمن تنادي )
2- تعبانه ومصدعه وتمووت على قعدت البيت ( الله يرحم ايام لمن كان البيت كتمه ومايعجبها العجب ولا الصيام برجب )
3- يوم تلاقيها تسمع اغاني عاطفيه ويوم اغاني شجن وهيام ويوم اغاني خيانه وغدر (سبحان مغير الاحوال والله يرحم ايام اغاني فرقة ميامي ورباش والمعلايه )
4- وكله اذا شافت فلم الحبيب يدافع عن حبيبته وإلا يموت عشانها لو تطالع بوجها في ها اللحظات العاصفه دمعوها تغرق اهل الفريج كلهم على بالها ان روميو الي تحبه راح يسوي معاها ها الحركات ( تتحرى عمرها ايام برتس كلومبس )
5- طول اليوم كاشخه والعطر ينشم علي بعد متر ( كانت تستحم مره في الشهر والعطر ما ينحط إلا في المناسبات يعني من العيد للعيد )
6- الملابس كلها الوان سماوي وبنفسجي والاحمر طبعا أهم شي ( الالوان الي تجذب النظر )
7- الرصيد دووووووووم 100 ومايقل عن الـ 50 درهم ( الله يرحم ايام زمان يوم كانت اطرش كول ركويست )
8- صوتها قبل لو تسمعوه تشك والله ان الي تكلمك بنت ( شوي وتقلبها دفاشة معك وتشمّر وهاتك يالاطش ياملطوش ) لكن بعد ظهور روميو الحبيب لو تجيب مكبر ماتسمع الا الهمس وودها ترجع ايام زمان ( ايام الدفاشه يعني ) وكله في سبيل النعومه يهووووون .
الجمعة أبريل 10, 2009 5:24 am
